Alonso: Veit ekki hvar ég spila á næsta tímabili

Xabi Alonso, leikmaður Liverpool og spænska landsliðsins, segist enga fullvissu hafa um hvar hann muni spila á næstu leiktíð.

Alonso hefur undanfarið verið að spila með spænska landsliðinu í Álfukeppninni í Suður-Afríku og var spurður eftir leik liðsins gegn heimamönnum í gær hvort hans mál myndu skýrast fljótlega.

„Ég veit það ekki. Ég veit ekki hvar ég mun spila á næstu leiktíð," sagði Alonso.

Hann hefur helst verið orðaður við Real Madrid í heimalandi sínu en einnig við bæði Manchester City og Chelsea. Það hefur verið sagt að það muni kosta 25 milljónir punda að kaupa hann undan samningnum við Liverpool.