Terry: Heimavinnan skilaði sér

John Terry, fyrirlði Chelsea, sagði eftir leik sinna manna gegn Barcelona að heimavinnan hefði skilað sér en liðin skildu jöfn í Barcelona, 0-0.

Þar með er Chelsea komið í lykilstöðu fyrir síðari viðureign liðanna sem fer fram í Lundúnum.

„Þeir voru mikið með boltann en við vorum mjög þéttir fyrir," sagði Terry. „Við horfðum á myndbönd af leikjum þeirra í undirbúningi okkar og þeir eru hrifnir af því að spila stuttum boltum í gegnum vörnina. Við vissum það og náðum að stöðva það."

„Þetta voru frábær úrslit og nú förum við tilbúnir í seinni leikinn á Brúnni."