Figo: Þekking Mourinho á Chelsea mun hjálpa okkur

Luis Figo, stjórnarmaður hjá Inter, segir það vera Inter í hag í slagnum gegn Chelsea í Meistaradeildinni hversu vel Jose Mourinho, þjálfari Inter, þekkir Chelsea-liðið.

Eins og allir ættu að vita stýrði Mourinho Chelsea áður en hann fór til Ítalíu og verður áhugavert að fylgjast með honum er hann snýr aftur á Stamford Bridge sem þjálfari Inter.

„Chelsea er virkilega sterkt lið en það hjálpar okkur að Jose þekkir umhverfið og leikmennina hjá Chelsea. Það er okkur í hag. Við berum mikla virðingu fyrir Chelsea en við ætlum okkur í átta liða úrslit," sagði Figo.