Roberto Carlos mögulega á leið til Argentínu

Svo gæti farið að Brasilíumaðurinn Roberto Carlos gangi til liðs við félag í Argentínu í janúar næstkomandi en þá rennur samningur hans við Fenerbahce út.

Félagið sem um ræðir heitir San Lorenzo og er meðal þeirra stærstu í landinu. „Okkur stendur til boða að fá leikmanninn en þetta mál er ekki einfalt. Við vitum þó að Roberto Carlos er spenntur fyrir því að koma til félagsins," sagði einn forráðamanna félagsins í samtali við fjölmiðla í Argentínu.

Carlos er 36 ára gamall og hóf feril sinn hjá Palmeiras og fór svo til Inter og Real Madrid. Hann varð svo heimsmeistari með Brasilíu árið 2002.