Jón Orri lenti skelfilega - einstakar myndir af atvikinu

Framarinn Jón Orri Ólafsson fékk slæma byltu á 60. mínútu í leik Þróttar og Fram í Pepsi-deild karla í kvöld. Eins og sjá má á mynd Valgarðs Gíslason, ljósmyndara Fréttablaðsins á leiknum, þá datt Jón Orri beint á hausinn og fékk slæmt högg.

Jón Orri fór upp í skallaeinvígi við Þróttarann Morten Smidt en misst jafnvægið og datt fram fyrir sig og beint á hnakkann. Hann fékk augljóslega mikið högg og auk þess slæman hnykk á hálsinn.

Jón Orri harkaði samt af sér og spilaði áfram í rúmar tíu mínútur þegar honum var skipt útaf fyrir Jón Guðna Fjóluson.