Ronaldo líklega frá vegna meiðsla í mánuð

Cristiano Ronaldo þurfti að yfirgefa völlinn eftir tæplega hálftíma leik í 3-0 sigri Portúgal gegn Ungverjalandi í leik liðanna í 1. riðli undankeppni HM 2010 í gær.

Ronaldo var tæpur fyrir leikinn og landsliðsþjálfarinn carlos Queiroz hjá Portúgal hefur verið gagnrýndur fyrir að spila honum í leiknum.

Ronaldo fór aftur til Real Madrid eftir landsleikinn og útlit er fyrir að hann verði nú frá vegna meiðsla í þrjár til fjórar vikur.

Ronaldo missir því að öllu óbreyttu af nokkrum leikjum með Real Madrid, meðal annars gegn AC Milan í Meistaradeild Evrópu.