Reyndi að lokka Da Silva bræður til Englands

Bakverðirnir og tvíburabræðurnir Rafael og Fabio da Silva hjá Manchester United hafa gefið upp að njósnari sem sagðist vera á vegum Arsenal hafi reynt að lokka þá til Englands eftir að þeir höfðu samþykkti að fara til United á sínum tíma.

Da Silva bræður koma frá Fluminese í Brasilíu og voru aðeins 15 ára þegar félagið samþykkti að senda þá til Manchester United.

"Við vorum ekki sáttir við það hvernig þessi maður biðlaði til okkar," sagði Rafael, sem hefur náð heldur lengra en Fabio til þessa með liði United.

"Útsendarinn sagðist vera frá Arsenal og bauð okkur að koma þangað til æfinga. Þá vorum við þegar búnir að fara til Manchester og skoða aðstæður, en maðurinn vildi lauma okkur til Englands án þess að segja orð við Fluminese. Það gátum við ekki, því félagið hafði annast okkur vel," sagði Rafael í samtali við Sun.

Fabio segir að móðir þeirra hafi sett strik í reikninginn í málinu. "Þetta hafði truflandi áhrif. Við hefðum þannig séð geta tekið allan peninginn og þá hefði Fluminese ekki fengið neitt fyrir okkur. En móðir okkar þvertók fyrir þetta og sagði að Fluminese hefði annast okkur vel síðan við vorum ellefu ára gamlir og við ættum að gera það rétta í stöðunni," sagði Fabio.

Enginn veit hver þessi meinti útsendari var og ekkert bendir raunar til þess að hann hafi verið frá Arsenal.