Hiddink: Titilvonir okkar horfnar

Guus Hiddink, stjóri Chelsea, játaði sig sigraðan í kapphlaupinu um enska meistaratitilinn eftir markalausa jafnteflið gegn Everton í kvöld.

„Það er lítið eftir af tímabilinu og við skulum bara vera heiðarlegir og líta á staðreyndir. United vann sinn leik eins og búist var við og við máttum ekki missa af neinum stigum til að eiga möguleika. Þess vegna er þetta búið hjá okkur," sagði Hiddink súr en mikill viðsnúningur varð á liðinu eftir að hann tók við því.

„Við unnum vel en nýttum ekki breiddina sem skildi. Everton var vel skipulagt í kvöld og beittu góðum skyndisóknum. Við vorum ekki nógu klókir til þess að brjótast í gegnum sterka vörn þeirra," sagði Hiddink.