Tilkynnt um ráðningu Mowbray í dag

Búist er við því að skoska knattspyrnufélagið Glasgow Celtic muni í dag tilkynna að félagið hafi ráðið Tony Mowbray sem knattspyrnustjóra.

Mowbray er stjóri West Brom sem féll úr ensku úrvalsdeildinni í vor en á laugardaginn var tilkynnt að honum hafi verið gefið leyfi til að hefja viðræður við Celtic.

Skoska félagið mun þá hafa samþykkt að greiða West Brom tvær milljónir punda til þess að leysa Mowbray undan samningi sínum.

Mowbray lék með Celtic árum áður og er ekki búist við því að viðræður hans við félagið muni ganga hægt.