Kristinn og Jóhannes dæma í kvöld

Þeir Kristinn Jakobsson og Jóhannes Valgeirsson munu báðir dæma landsleiki í kvöld.

Kristinn mun dæma leik Búlgaríu og Georgíu í undankeppni HM 2010 en hvorgt liðið á möguleika á að komast á HM í Suður-Afríku.

Búlgaría er í þriðja sæti 8. riðils með ellefu stig en Georgía í sjötta og neðsta sæti með þrjú stig.

Kristni til aðstoðar í leiknum verða þeir Sigurður Óli Þorleifsson, Ólafur Ingvar guðfinnsson og Magnús Þórisson.

Þá mun Jóhannes dæma U-21 landsleik Hvíta-Rússlands og Albaníu í undankeppni EM 2011. Aðstoðarmenn hans verða Jóhann Gunnar Guðmundsson, Áskell Þór Gíslason og Erlendur Eiríksson.