Wenger: Hefðum átt að skora meira

Arsene Wenger, stjóri Arsenal, var ánægður með liðið sitt í gær gegn Roma en vonar að glötuð tækifæri muni ekki bíta liðið í afturendann þegar upp er staðið.

„Ég er auðvitað svekktur að við skyldum ekki hafa skorað meira en ég var ánægður með frammistöðu liðsins. Við fengum samt klárlega tækifæri til þess að skora meira," sagði Wenger.

„Við vitum nú að við getum skapað okkur færi gegn þessu liði. Maður veit samt aldrei hvað eru góð úrslit í Evrópukeppninni. Einn af jákvæðu punktunum er að við fengum ekki á okkur mark. Við vitum nú að við verðum að sækja í Róm og ef við skorum eitt mark ættum við að vera í fínum málum."

Arsenal er á fínni siglingu þessa dagana og er ósigrað í síðustu 14 leikjum sínum.