Ítalir spila minningarleik um fórnarlömb jarðskjálftans í Aquila

Ítalska knattspyrnusambandið hefur staðfest að ítalska landsliðið muni mæta því hollenska í nóvember næstkomandi.

Leikurinn fer fram í borginni Pescara í Abruzzo-héraði og er leikurinn spilaður þar í virðingarskyni og til minningar um fórnarlömb jarðskjálftans sem lagði borgina Aquila, sem er einnig í Abruzzo-héraði, í rúst í apríl síðast liðnum.

Ítalska knattspyrnusambandið hefur jafnframt staðfest að það hafi lagt ágóðann af landsleiknum gegn Búlgaríu í undankeppni HM 2010 til uppbyggingar til handa grasrótarhreyfingar innan fótboltans á jarðskjálftasvæðunum.