Þyrlan og björgunarsveitarmenn komnir á slysstað

Björgunarsveitarmenn og þyrla Landhelgisgæslunnar er komin á staðinn, þar sem vélsleðamaður féll ofan í sprungu á vestanverðum Langjökli, fyrr í kvöld.

Á sjöunda tímanum í kvöld voru björgunarsveitir á höfuðborgarsvæðinu, í Borgarfirði og Akranesi kallaðar út vegna manns sem féll í sprungu. Maðurinn var á ferð með hópi vélsleðamanna og féll í sprungu á Geitlandsjökli sem er vestasti hluti Langjökuls fyrir ofan Kaldadal

Fram kemur í tilkynningu frá Landsbjörg sem send var klukkan 20:37 að björgunarsveitarmenn séu að setja manninn á böru. Þyrlan er á slysstað og bíður átekta. Þá er gert ráð fyrir að ná manninum upp á næstu mínútum.