Burnley eyðir ekki um efni fram í sumar

Jóhannes Karl Guðjónsson og félagar í Burnley komumst sem kunnugt er upp í deild þeirra bestu á Englandi eftir frækinn 1-0 sigur gegn Sheffield United í umspili ensku b-deildarinnar á nýafstaðinni leiktíð.

Brendan Flood stjórnarmaður hjá Burnley ítrekaði þó í viðtali við Lancashire Telegraph að félagið ætli sér ekki að eyða háum upphæðum í leikmannakaup í sumar.

„Við þurfum að fara okkur hægt á leikmannamarkaðnum. Við megum ekki við því að gera nein mistök þar. Það væri auðvelt að gleyma sér í gleðinni yfir því að vera komnir í úrvalsdeildina og fara að eyða á fullu en við ætlum að fara rólega í þetta," segir Flood sem neitaði því jafnframt að Burnley væri að fara að kaupa framherjann Kevin Doyle frá Kevin Doyle á 6 milljónir punda.

Flood gat jafnframt ekki lofað stuðningsmönnum Burnley að þeir myndu halda í bestu leikmenn liðsins í sumar.

„Allir leikmenn okkar hafa eðlilega hækkað í verði við það að komast í úrvalsdeildina og ef við fáum öflug kauptilboð í þá, getum við ekki annað en skoðað þau vel," segir Flood.