Fletcher verður í byrjunarliði Man. Utd á morgun

Sir Alex Ferguson, stjóri Man. Utd, staðfesti í dag að Skotinn Darren Fletcher verði í byrjunarliði liðsins gegn CSKA Moskvu í Meistaradeildinni á morgun.

Rio Ferdinand, Nemanja Vidic, Park Ji-Sung og Ryan Giggs eru allir meiddir og einnig er óvissa með þáttöku Dimitar Berbatov.

„Það líta flestir á Darren sem mann stóru leikjanna. Við höfum gert okkur grein fyrir því í langan tíma. Nú hafa flestir loksins viðurkennt að hann er mjög mikilvægur leikmaður í þessu liði," sagði Ferguson.

„Við höfum saknað hans í nokkrum lykilleikjum upp á síðkastið þannig að það er mjög gott að fá hann til baka."