Ferguson: Besti leikmannahópur sem ég hef haft

Sir Alex Ferguson, stjóri Man. Utd, segir að þó svo núverandi leikmannahópur sem hann hafi hjá félaginu sé sá besti í hans stjóratíð sé ekki möguleiki að liðið vinni fimmuna margumtöluðu.

United er heimsmeistari og deildarbikarmeistari. Er á toppnum í deildinni, í undanúrslitum bikarkeppninnar og átta liða úrslitum Meistaradeildarinnar.

„Í útsláttarkeppnum þarf að vera upp á sitt besta og líka hafa ákveðna heppni og ég held að við séum að biðja um of mikið að það falli allt með okkur," sagði Ferguson.

„Ég get þó sagt að þessi leikmannahópur er sá besti sem ég hef haft. Ég hef trú á sigri í öllum leikjum."