Alan Shearer fær hundrað þúsund pund á leik

Það kostar sitt fyrir Newcastle að fá Alan Shearer til að setjast í stjórastólinn. Shearer stjórnaði sinni fyrstu æfingu í morgun eftir að hann og forráðamenn Newcastle höfðu gengið frá samningamálunum í gær.

Shearer fær 100 þúsund pund eða 17,5 milljónir íslenska króna fyrir hvern leik en Newcastle á eftir átta leiki og sá fyrsti er á móti Chelsea um helgina.

Shearer fær auk þess eina milljón punda í bónus takist honum að bjarga Newcastle frá falli.

Shearer ætti því að fá 1,8 milljónir punda eða 315 milljónir íslenska króna takist honum að bjarga Newcastle frá falli.

Shearer tók við liðinu 1. apríl og síðasti leikurinn er síðan 24. maí. Þetta eru því ekki slæm laun fyrir einn mánuð og 24 daga vinnu.