Liverpool: El Zhar semur og Mavinga kemur

Liverpool hefur staðfest að vængmaðurinn Nabil El Zhar hefur gert nýjan samning við félagið sem gildir til ársins 2012.

Hinn 22 ára gamli El Zhar bætist þar með í hóp þeirra Steven Gerrard, Fernando Torres, Dirk Kuyt, Daniel Agger og Yossi Benayoun sem hafa allir undirritað nýja samninga við Liverpool í sumar.

Þá hefur Liverpool einnig staðfest félagsskipti hins franska Chris Mavinga frá Paris Saint Germain en varnarmaðurinn skrifar undir þriggja ára samning á Anfield.