Huntelaar þarf að ákveða hvort hann fari til Stuttgart

Real Madrid hefur staðfest að félagið sé búið að ná samkomulagi við Stuttgart um sölu á framherjanum Klaas-Jan Huntelaar á 17,2 milljónir punda sem er sama verð og Madridingar borguðu fyrir leikmanninn í janúar síðast liðnum.

Það er nú undir Huntelaar sjálfum komið hvort af félagsskiptunum verði.

„Við munum tala við knattspyrnustjórann og forráðamenn Real Madrid í dag og síðan sjáum við til hvað kemur út úr því. Í framhaldinu munum við ræða við forráðamenn Stuttgart. Það er undir Huntelaar komið hvað hann vill gera," segir umboðsmaðurinn Arnold Oosterveer í samtali við De Telegraaf.