City beinir athyglinni að Upson

Samkvæmt breskum fjölmiðlum í dag er varnarmaðurinn Matthew Upson hjá West Ham næstur á innkaupalista forráðamanna Manchester City eftir að þeir þurftu að játa sig sigraða við að reyna að fá John Terry frá Chelsea og Joleon Lescott frá Everton.

Talað er um að kauptilboð upp á 15 milljónir punda nægi til þess að freista West Ham en varnarmaðurinn hefur verið tregur til þess að framlengja samning sinn við Lundúnafélagið.

Upson hefur einnig verið orðaður við Arsenal og Tottenham en síðarnefnda félagið kvaðst ekki ætla að leggja fram kauptilboð í leikmanninn í sumar.