Erindreki Obama til Ísraels og Palestínu

Barack Obama, Bandaríkjaforseti, hefur ákveðið að senda erindreka til landanna fyrir botni Miðjarðarhafs sem fyrstu skref ríkisstjórnar hans til að koma friðarferlinu í gang á nýjan leik og styðja við ótryggt vopnhlé Ísraela og liðsmanna Hamas á Gazaströndinni.

Sendifulltrúi Obama er George Mitchell, fyrrverandi öldungardeildarþingmaður, og er búist við að hann heimsæki eftir helgi Egyptaland, Jórdaníu, Ísrael og Vesturbakkann í Palestínu sem er á áhrifasvæði Fathahreyfingarinnar.

Mitchell mun ekki eiga samskipti við forsvarsmenn Hamas sem fara með öll völd á Gazaströndinni.