Agnes: Áfellisdómur yfir íslensku kerfi

„Ég hefði haldið að rannsóknaraðilar að bankahruni hefðu öðrum og þýðingarmeiri hlutum að sinna heldur en að reyna að koma í veg fyrir það að upplýsingum sem varða allan almenning kæmust á framfæri almennings," segir Agnes Bragadóttir, blaðamaður á Morgunblaðinu.

Vísir hafði innt Agnesi viðbragða við því að mál hennar og fjögurra annarra fréttamanna sem fjallað hafa um bankahrunið hafi í dag verið send frá Fjármálaeftirlitinu til frekari rannsóknar.

Blaðamönnunum er borið á brýn að hafa brotið gegn bankaleynd, en málin eru nú á borði sérstaks saksóknara bankahrunsins sem mun rannsaka þau frekar.

Aðspurð hvort tíðindin séu vonbrigði svarar Agnes:

„Þetta eru sko ekki vonbrigði. Þetta er eiginlega það sem ég hef búist við - áfellisdómur yfir íslensku kerfi. Það virkar ekki."