Ég þoli baulið

Gareth Southgate, stjóri Middlesbrough, segir að framkoma stuðningsmanna Boro í sinn garð hafi engin áhrif á sig.

Middlesbrough er í næstneðsta sæti ensku úrvalsdeildarinnar með 27 stig og er fjórum stigum frá öruggu sæti. Liðið tapaði fyrir Stoke á útivelli um helgina og bauluðu stuðningsmenn Boro á sína menn, þá sérstaklega Southgate, eftir leik.

„Ég er mikill baráttumaður þannig að ég mun aldrei gefast upp. Hlutverk mitt er að sjá til þess að rífa aðra upp," sagði Southgate í samtali við enska fjölmiðla. „Maður á von á svona framkomu frá stuðningsmönnunum. Þetta er vissulega óheppilegt en ég vil frekar að þetta beinist að mér en liðinu þar sem ég get tekið þessu."

Hann segist ekki óttast að missa starfið. „Ef stjórnarformaðurinn telur að það þurfi að breyta til þá gerir hann þar. Hann er mjög stuðningsríkur en er um leið vægðarlaus viðskiptamaður."