Íslenski boltinn

Helmingslíkur á að Emil spili

Henry Birgir Gunnarsson skrifar
Emil sést hér í baráttu við Darren Fletcher í fyrri leik Íslands og Skotlands.
Emil sést hér í baráttu við Darren Fletcher í fyrri leik Íslands og Skotlands. Mynd/Vilhelm

„Emil er sá eini sem á við einhver meiðsli að stríða, aðrir eru klárir í slaginn. Það er of snemmt að segja til um það hvort hann spili en það eru svona helmingslíkur á því í dag," sagði Pétur Pétursson, aðstoðarþjálfari íslenska landsliðsins í knattspyrnu við Vísi í dag.

Emil er tognaður en hefur þrátt fyrir það verið að æfa með íslenska landsliðinu í Glasgow. Það náði einni æfingu á sunnudagskvöldinu og æfði svo tvisvar í dag.

Á morgun æfir liðið síðan á sjálfum Hampden Park þar sem leikurinn við Skota verður spilaður á miðvikudagskvöld.

„Það er góð stemning í hópnum og menn verða klárir í slaginn á miðvikudag," sagði Pétur.






Fleiri fréttir

Sjá meira


×