Tottenham hjálpaði grönnunum úr Arsenal

Tottenham sá til þess, að nágrannarnir og erkifjendurnir úr Arsenal halda fjórða sætinu í ensku úrvalsdeildinni, þegar liðið vann 2-1 sigur á Aston Villa á útivelli.

Það voru þeir Jermaine Jenas og Darren Bent sem komu Tottenham í 2-0 áður en Norðmaðurinn John Carew minnkaði muninn í lokin. Aston Villa

Aston Villa mistókst þar með að endurheimta fjórða og síðasta sætið inn í Meistaradeildina en Arsenal komst upp fyrir Villa á markatölu með 4-0 sigri á Blackburn í gær.

Tottenham komst upp í 11. sætið með þessum sigri en liðið er með jafnmörg stig og Manchester City en með lakari markatölu.