Fabianski áfram hjá Arsenal

Markvörðurinn Lukasz Fabianski hefur skrifað undir nýjan langtímasamning við enska úrvalsdeildarfélagið Arsenal.

Fabianski gekk til liðs við félagið árið 2007 og hefur síðan þá unnið sér sæti í pólska landsliðinu. Hann kom við sögu í átján leikjum með Arsenal á síðasta tímabili.

„Þetta er mikil hvatning fyrir mig að leggja áfram hart að mér og sýnir að félagið hefur trú á mér. Ég mun gera allt sem ég get til að endurgjalda það traust með því að hjálpa Arsenal í titilbaráttu næstu ára."