Stemmingin verður í fyrirrúmi á nýja heimavelli Spurs

Nýr knattspyrnuleikvangurTottenham mun taka 58,000 manns í sæti og verður hannaður sérstaklega með það fyrir augum að áhorfendur geti setið sem næst vellinum.

Nú styttist óðum í að lokahönd verði lögð á skipulag nýja heimavallarins en þar verður einnig að finna 150 herbergja hótel og útivistarsvæði sem hugsað verður fyrir mannamót, markaði og jafnvel skautasvell.

"Það má oft finna stórt og mikið rými sem stendur autt á þessum nýju leikvöngum og það viljum við ekki. Við viljum heldur skapa eitthvað alveg sérstakt fyrir fólkið á svæðinu," sagði Daniel Levy, stjórnarformaður Tottenham.