Rafael Benitez: Pressan er á United

Rafael Benitez, stjóri Liverpool, segir að sínir menn hafi sett pressu á Manchester United með því að vinna Fulham í gær. Yossi Benayoun skoraði sigurmarkið í uppbótartíma. United á samt tvo leiki til góða annan þeirra gegn Aston Villa í dag.

„Við vitum að við erum enn með í titilbaráttunni og þessi sigur setur meiri pressu á Mannchester að mínu mati. Þeir hafa mikla reynslu og mikla hæfileika en munu engu að síður finna fyrir pressunni," sagði Rafael Benitez.

„Við vorum að skapa góð færi allan leikinn og því voru það mikil vonbrigði að vera ekki búnir að skora fyrr í leiknum. Það gerði síðan sigurmarkið enn sætara," sagði Benitez.

„Það er mikið sjálfstraust í Liverpool-liðinu og við höfðum alltaf trúna að við gætum skorað mark í lokin," sagði Rafael Benitez.