Wenger: Frábær síðari hálfleikur

Arsene Wenger, stjóri Arsenal, viðurkenndi að hans menn hefðu verið heppnir að fara til búningsherbergja gegn Newcastle með jafna stöðu. Hann sagði enn fremur að frammistaða liðsins í síðari hálfleik hefði verið þriggja stiga virði og rúmlega það.

„Við vorum ekki nógu beittir í fyrri hálfleik og lentum undir pressu frá Newcastle. Í seinni hálfleik tókum við stjórnina, sköpuðum okkur mörg færi og unnum sanngjarnan sigur," sagði Wenger eftir leik en staðan hefði líklega verið önnur ef Martins hefði nýtt vítið sem Newcastle fékk í fyrri hálfleik.

„Úr fjarlægð leit þetta út fyrir að vera strangur dómur. Ég verð að fá að sjá þetta betur áður en ég tjái mig almennilega. Sem betur fer varði Almunia spyrnuna," sagði Wenger.