Ástráður kjörinn formaður landskjörstjórnar

Ástráður Haraldsson, hæstaréttarlögmaður, var kjörinn formaður landskjörstjórnar á fundi stjórnarinnar í dag. Gísli Baldur Garðarsson sagði af sér sem formaður eftir að ríkisstjórn Jóhönnu Sigurðardóttur var mynduð í byrjun mánaðarins.

Landskjörstjórn sér um framkvæmd kosninga til Alþingis og gefur út kjörbréf til þingmanna.

Bryndís Hlöðversdóttir er áfram varaformaður landskjörstjórnar. Aðrir í stjórninni eru: Hervör Þorvaldsdóttir, Hrafnhildur Stefánsdóttir og Þórður Bogason.

Varamenn þeirra eru: Sólveig Guðmundsdóttir, Elín Blöndal, Ólafur Helgi Kjartansson, Gunnar Sturluson og Sigurjón Unnar Sveinsson.