Guðlaugur Victor var fyrirliði Liverpool þótt að Gerrard hafi spilað með

Guðlaugur Victor Pálsson var fyrirliði varaliðs Liverpool sem gerði 2-2 jafntefli við Tranmere í æfingaleik í kvöld. Steven Gerrard spilaði óvænt með varaliði Liverpool en hann hafði verið í réttarsal fyrr um daginn.

Það er athyglisvert að Guðlaugur skildi halda fyrirliðabandinu þótt að fyrirliði aðalliðsins hafi spilað með honum á miðjunni. Forráðamenn ákváðu að láta Gerrard spila leikinn en aðalliðið er í æfingaferð í Asíu.

Steven Gerrard skoraði fyrra mark Liverpool áður en honum var skipt útaf á 64. mínútu en seinna mark liðsins skoraði varamaðurinn Adam Hammill úr vítaspyrnu. Guðlaugur yfirgaf völlinn um leið og Gerrard.

Leikurinn er sýndur á Liverpool TV milli klukkan 21.00 og 23.00 í kvöld. Liverpool TV er á rás 47 á Digital Íslandi.