Frú Rooney íhugar keisara

Hin ólétta Coleen Rooney er að íhuga keisara til þess að eiginmaðurinn Wayne Rooney geti spilað mikilvæga leiki með landsliðinu í undankeppni HM í fótbolta. Coleen gengur með fyrsta barn þeirra hjóna en hún er sett þann 10.október.

The Sun segir hinsvegar í dag að heimildir hermi að leikur Englands og Úkraínu sem fer fram þennan sama dag sé að setja strik í reikninginn.

Sömu heimildir herma að Coleen sé að ræða við lækna um mögulegann keisarauppskurð seint í september.

Það myndi gera það að verkum að Wayne gæti verið viðstaddur fæðinguna og notið fyrstu daganna með nýju fjölskyldunni fyrir leikina gegn Úkraínu.