Enski boltinn

Eduardo æfði með Arsenal í dag

Eiríkur Stefán Ásgeirsson skrifar
Eduardo er hér borinn af velli í febrúar síðastliðnum.
Eduardo er hér borinn af velli í febrúar síðastliðnum. Nordic Photos / Getty Images

Eduardo er sagður í króatískum fjölmiðlum hafa mætt á sína fyrstu æfingu hjá Arsenal eftir meiðsli sín sem hann varð fyrir í febrúar síðastliðnum.

Eduardo meiddist illa þegar hann varð fyrir tæklingu Martin Taylor, leikmanni Birmingham.

„Eduardo æfði í fyrsta sinn með liðinu í dag eftir meiðslin," er haft eftir Boro Primorac, þjálfara hjá Arsenal. „Hann gat vitaskuld ekki beitt sér að fullu en hann var mestmegnis að skokka og teygja."

„Það mun taka tíma þar til hann getur farið að spila á ný en það kemur."



Mest lesið


Fleiri fréttir

Sjá meira


×

Mest lesið