Gæslu­varð­hald yfir Fritzl fram­lengt

Gæsluvarðhald hefur verið framlengt yfir hinum austurríska Josef Fritzl þangað til dómari endurmetur stöðuna eftir tvo mánuði. Fritzl er ásakaður fyrir að hafa nauðgað dóttur sinni Elisabeth Fritzl og lokað hana inni í 24 ár. Á þeim tíma gat hann henni 7 börn. Lögreglan í Austurríki segir að Fritzl hafi játnað verknaðinn á sig.

Hann var settur í varðhald 29. apríl en rannsókn á málinu er enn í gangi. Líklegast er að réttarhöld yfir honum verði ekki fyrr en með haustinu.

Lögmaður Fritzl Rudolf Mayer hefur gefið til kynna að vörnin muni byggjast á að Fritzl sé ósakhæfur vegna geðrænna kvilla. Hann vill að Fritzl gangi undir geðrannsókn til þess að meta hvort hann geti yfirhöfuð mætt í réttarhöldin.

Á fréttavef Sky News kemur fram að Fritzl hafi lýst misnotkun sinni á Elisabeth dóttur sinni sem fíkn. Að hann hafi vitað allan tímann að það sem hann gerði væri ekki rétt og að hann hlyti að vera geðveikur að gera slíkt. Það varð hins vegar að vana hjá honum að lifa öðru lífi í kjallaranum.