Innlent

Björn ítrekar fyrri afstöðu sína

Magnús Már Guðmundsson skrifar
Björn Bjarnason, dómsmálaráðherra.
Björn Bjarnason, dómsmálaráðherra.

Björn Bjarnason, dómsmálaráðherra, ítrekar í svarbréfi til Vísis fyrri afstöðu sína að miðað við lögheimildir í stofnsáttmála Evrópusambandins geti sambandið gert ,,evrusamninga við þjóðir utan ESB."

Björn vill að reynt verði að taka upp evru á Íslandi á grundvelli EES en án aðildar að ESB.

Aðspurður hvort að stjórnvöld eigi á markvissan hátt að vinna að því á yfirstandi kjörtímabili að taka upp evru sem gjaldmiðil segir Björn að það fari eftir þeirri áherslu sem sé lögð á samningaviðræðurnar.

,,Hvort það tekur lengri eða skemmri tíma að gera slíka samninga, fer að sjálfsögðu eftir þeirri áherslu, sem menn leggja á þá," segir Björn.

Björn telur brýnt að skapa festu í gjaldmiðilsmálum. ,,Ég tel brýnt að skapa meiri festu í gjaldmiðilsmálum þjóðarinnar sem allra fyrst, hvaða leið, sem til þess er farin."




Tengdar fréttir

Segir hugmyndir Björns fjarlægan möguleika

Geir H. Haarde forsætisráðherra boðaði til blaðamannafundar í Stjórnarráðinu nú fyrir stundu. Tilefnið voru ummæli Björns Bjarnasonar dómsmálaráðherra um að taka ætti upp evru á grundvelli EES samningsins án þess að ganga inn í Evrópusambandið. Geir sagði þetta fjarlægan möguleika og taldi ráðamenn í Brussel hafa lítið álit á þessum hugmyndum.

Útspil Björns vanhugsað

Valgerður Sverrisdóttir, varaformaður Framsóknarflokksins, segir vandræðagang einkenna forystu Sjálfstæðisflokksins í Evrópumálum. Hún segir tillögu Björns Bjarnasonar vanhugsaða.

Seðlabankinn tjáir sig ekki um evruhugmyndir Björns

Enginn Seðlabankastjóranna þriggja vill tjá sig um hugmyndir Björns Bjarnasonar dómsmálaráðherra um að taka upp evru á grundvelli EES samningsins. Vísir leitaði eftir viðbrögðum frá þeim fyrr í dag en var tjáð að þeir hefðu ekkert við það að bæta sem þeir hafi áður sagt.

Mest lesið


Fleiri fréttir

Sjá meira


×

Mest lesið