Blikar vilja halda samningslausum leikmönnum

Ólafur Kristjánsson, þjálfari Breiðabliks, segir að félagið hafi boðið flestum þeirra leikmanna sem eru að klára sína samninga hjá Blikum nýjan samning en á breyttum forsendum.

Þetta eru þeir Arnar Grétarsson, Árni Kristinn Gunnarsson, Casper Jacobsen og Steinþór Freyr Þorsteinsson. Samningur Jacobsen rann út um miðjan október en hinna um áramótin.

„Þeim stendur öllum til boða að halda áfram og viljum við gjarnan halda þeim," sagði Ólafur. „En nú er allt okkar rekstrarumhverfi breytt og því eru samningstilboðin á gjörbreyttum forsendum. Við getum voða lítið gert ef þeir vilja frekar leita annað."