Deschamps segist vera á óskalista Chelsea

Didier Deschamps sagði í útvarpsviðtali að hann væri einn þriggja eða fjögurra knattspyrnustjóra á óskalista Chelsea sem rak Avram Grant nú um helgina.

„Það eru þrír eða fjórir knattspyrnustjórar á listanum og ég er einn þeirra. Það væri erfitt að hafna Chelsea," sagði Deschamps.

Umboðsmenn Roberto Mancini og Guus Hiddink segja að skjólstæðingar sínir muni ekki taka við starfi knattspyrnustjóra hjá Chelsea.

Deschamps varð á sínum tíma bæði heims- og Evrópumeistari með franska landsliðinu auk þess sem hann lék lengi með Chelsea. Hann stýrði Mónakó í úrslit Meistaradeildarinnar árið 2004 og stýrði Juventus upp í efstu deild eftir að liðið var dæmt niður í B-deildina.

„Ég vil snúa mér aftur að þjálfun. Ég þurfti á hvíldinni að halda en mér finnst ég klár í slaginn á nýjan leik."