Leikmannasamtökin mótmæla hertu lyfjaeftirliti

PFA, samtök atvinnuknattspyrnumanna, hafa mótmælt hugmyndum um hert lyfjaeftirlit.

Lyfjaeftirlitið stefnir að því að taka nýjar reglur í gagnið um áramótin og á þá að vera hægt að lyfjaprófa leikmenn hvenær sem er, jafnvel innan veggja heimilis þeirra.

„Við teljum að þarna sé verið að fara yfir strikið og brjóta friðhelgi einkalífsins," sagði Gordon Taylor, formaður PFA. „Einhverjir halda kannski að við höfum eitthvað að fela en tölurnar tala sínu máli. Það er mjög lítið um ólöglega lyfjanotkun í fótboltanum."

„Það á ekki að þurfa að setja fótbolta undir sama hatt og einstaklingsíþróttir eins og hjólreiðar, frjálsar íþróttir og kraftlyftingar þar sem lyfjamisnotkun er mun algengari," sagði Taylor.