America's Next Top Model keppendur rústa þakíbúð

Fyrirsæturnar fjórtán sem kepptu um að verða næsta ofurfyrirsætan í America's Next Top Model fá líklega engin verðlaun fyrir snyrtimennsku. Eigandi fjögur hundruð milljóna glæsiíbúðar sem þær dvöldu í þær tíu vikur sem keppnin stóð yfir íhugar nú að fara í mál við framleiðendur þáttarins vegna skemmda á íbúðinni, sem hann segir nema rúmum 30 milljónum.

Framleiðendurnir lofuðu eiganda þakíbúðinnar á Manhattan að skemmdir, ef einhverjar, yrðu minniháttar. Að þeim orðum sögðum flutti starfslið þáttarins inn, og byrjaði að bora hundruðir hola í loftið til að koma fyrir ljósabúnaði. Í kjölfarið fylgdu fyrirsæturnar, sem að sögn heimildamanns Page Six voru ekki mikið passasamari.

Fyrirsæturnar náðu að eyðileggja brasilískt harðviðargólf íbúðarinnar. Þær færðu öll húsgöng til, og gerðu holur í veggina. Þá tókst þeim að gjöreyðileggja milljón króna ljósakrónu og sulla svo mikið á baðherberginu að klósett og innréttingar skemmdust og vatn lak niður í raftækjaverslun á fyrstu hæð hússins og olli skemmdum fyrir mörg hundruð þúsunda. Matarslagsmál skildu eftir kaffi og tómatsósubletti í rúmlega milljón króna gluggatjöldum íbúðarinnar, og stúlkurnar krotuðu með varalit á veggina.

Þegar ógreiddir rafmagnsreikningar eru teknir með metur eigandinn skemmdirnar á rúma hálfa milljón dala, eða rúmar þrjátíu milljónir.