Óspektir til rannsóknar

Enska knattspyrnusambandið mun hrinda af stað rannsókn vegna ólátanna á leik Sunderland og Newcastle í ensku úrvalsdeildinni í gær.

Leiknum lauk með 2-1 sigri Sunderland en félögin eru grannar og erkifjendur. Stuðningsmönnum liðanna var því heitt í hamsi á leiknum í gær.

Tveir stuðningsmenn Sunderland hlupu inn á völlinn til Shay Given, markvarðar Newcastle, á meðan leiknum stóð. Þá rigndi smápeningum yfir Joey Barton er hann hitaði upp á hliðarlínunni.

Eftir leikinn lenti stuðningsmönnum saman og hlupu sumir þeirra inn á völlinn.

29 manns voru handteknir eftir leikinn í gær. Einn lögreglumaður brotnaði á úlnliði í átökunum.