Heræfingar fram yfir ljósmæður

3. september 2008 15:09

Katrín Jakobsdóttir er varaformaður Vinstrihreyfingarinnar græns framboðs.

Katrín Jakobsdóttir, varaformaður Vinstri grænna, sagði í umræðum á þingi fyrr í dag að ríkisstjórnin tæki heræfingar fram fyrir samning við ljósmæður.

Ljósmæður hafa undanfarin misseri háð kjaradeilu og samningarnefndir þeirra og ríkisins hafa ekki komist aðniðurstöður. Ljósmæður vilja að vera bornar saman við aðrar stéttir með sambærilega menntun hjá ríkinu og til þess að svo verði þurfa meðalgrunnlaun þeirra að hækka um 24 til 25%. Á miðnætti í kvöld hefst tveggja daga verkfall ljósmæðra.

Katrín beindi orðum sínum um framtíðarlausn á kjaradeilunni að Árna Mathiesen, fjármálaráðherra. Hún sagði að kostnaður hins opinbera við að launleiðréttingu ljósmæðra vera 10 milljónir á mánuði eða rúmlega 120 milljónir á ári. Í framhaldinu benti hún á að á sama tíma og ljósmæður og ríkið eigi í kjaradeilum hiki ríkisstjórnin ekki við að eyða 100 milljónum í herhæfinguna Norður-Víking sem stendur yfir þessa dagana.

Jafnframt rifjaði Katrín upp að í stjórnarsáttmála ríkisstjórnarflokkanna er kveðið á um að endurmeta beri sérstaklega kjör kvenna hjá hinu opinbera og einkum þeirra stétta þar sem konur eru í miklum meirihluta.

Tengdar fréttir

Þrengra um vik að leiðrétta laun vegna efnahagsástands

Árni Mathiesen fjármálaráðherra segir að vegna stöðunnar í efnahagsmálum sé þrengra um vik að gera leiðréttingar á launum ríkisstarfsmanna eins og ljósmæðra. Þetta kom fram við fyrirspurnartíma á Alþingi nú eftir hádegið þar sem yfirvofandi verkfall ljósmæðra var rætt.

3. september 2008 13:57

Hjúkrunarráð LSH hefur áhyggjur af verkfalli ljósmæðra

Hjúkrunarráð LSH hefur sent frá sér ályktun þar sem lýst er áhyggjum af boðuðu verkfalli ljósmæðra í september og af þeim afleiðingum sem verkfallið hefur fyrir barnshafandi konur og fjölskyldur þeirra.

3. september 2008 08:27

Konur á steypinum krefja Árna um efndir

Tuttugu verðandi mæður skrifa Árna Matthiesen, fjármálaráðherra, opið bréf í dag vegna yfirvofandi verkfalls ljósmæðra. Fyrsta verkfallið hefst á miðnætti á í kvöld og stendur í tvo sólarhringa.

3. september 2008 10:26

Ljósmæður ganga á fund heilbrigðsnefndar

Forsvarsmenn Ljósmæðrafélags Íslands ganga á nú í hádeginu á fund heilbrigðisnefnar Alþingis þar sem ræða á verkfallsaðgerðir þeirra sem hefjast á miðnætti í kvöld.

3. september 2008 12:25

Samfylkingarkonur skora á ríkisstjórnina vegna kjaradeilu

Kvennahreyfing Samfylkingarinnar lýsir yfir þungum áhyggjum vegna kjaradeilu ríkisins og ljósmæðra. Einnig lýsir hreyfingin yfir þungum áhyggjum af öryggi fæðandi kvenna og nýbura.

2. september 2008 16:22

Reyna að tryggja fæðingarhjálp á Suðurlandi

Reynt verður að tryggja fæðingarhjálp á fæðingardeildinni á Selfossi þrátt fyrir boðað verkfall ljósmæðra 4. og 5. september. Þetta kemur fram í tilkynningu frá Magnúsi Skúlssyni, forstjóra Heilbrigðisstofnunar Suðurlands.

2. september 2008 16:05

Öryggi verður tryggt komi til verkfalls ljósmæðra

Mönnun á fæðinga- og sængurlegudeild Landspítala verður með eðlilegum hætti komi til aðgerða ljósmæðra og neyðarþjónusta yrði veitt í heimabyggð svo sem lög kveða á um. Þetta kemur fram í tilkynningu sem heilbrigðisráðuneytið sendi frá sér fyrir stundu.

2. september 2008 17:31