Samfylkingarkonur skora á ríkisstjórnina vegna kjaradeilu

Kvennahreyfing Samfylkingarinnar lýsir yfir þungum áhyggjum vegna kjaradeilu ríkisins og ljósmæðra. Einnig lýsir hreyfingin yfir þungum áhyggjum af öryggi fæðandi kvenna og nýbura.

Stjórn kvennahreyfingarinnar skorar á ríkisstjórnarflokkana að leiða kjaradeiluna til lykta og standa þannig við stefnuyfirlýsingu stjórnarinnar um endurmat launa hefðbundinna kvennastétta.

Laun ljósmæðra eru með því sem lægst gerist innan Bandalags háskólamanna þótt nám þeirra sé eitt það lengsta sem krafist er af ríkisstarfsmönnum, segir í tilkynningu frá kvennahreyfingunni. ,,Byrjunarlaun ljósmæðra eru til dæmis helmingi lægri en byrjunarlaun verkfræðinga með meistaragráðu. Launakjör ljósmæðra eru til marks um að hvorki þarfir né störf kvenna séu metin að verðleikum."

Ríkisstjórnarflokkarnir hafa þá stefnu að jafna óútskýrðan kynbundinn launamun hjá ríkinu. Kvennahreyfing Samfylkingarinnar segir að semja þurfi um kjör handa ljósmæðrum sem standast samanburð við sambærilegar karlastéttir. Það mynda gefa konum von um að jafnréttismarkmið ríkisstjórnarinnar stæðust.