Marseille sektað af UEFA

Knattspyrnusamband Evrópu, UEFA, hefur sektað Marseille um rúma eina og hálfa milljón króna eftir að áhorfendur á leik liðsins gegn Liverpool köstuðu kveikjara í Steven Gerrard.

Gerrard var að taka hornspyrnu þegar liðin mættust þann 26. nóvember síðastliðinn en Liverpool vann leikinn, 1-0.

Svipað atvik kom upp þegar að liðin mættust í september síðastliðnum og var Marseille þá sektað um tvær milljónir króna.

Rafa Benitez, stjóri Liverpool, sagði að Gerrard hefði brugðist rétt við. „Hann lét sér fátt um finnast og sýndi hegðun sem sæmir góðum íþróttamanni," sagði Benitez.