Framtíðin að skýrast hjá Newcastle

Joe Kinnear, stjóri Newcastle, segir að framtíð Newcastle verði skýrari eftir leikinn gegn Chelsea þann 22. nóvember næstkomandi.

Mike Ashley, eigandi Newcastle, ákvað að setja félagið á sölu í síðasta mánuði en enn hafa engin tilboð borist í það.

„Ég veit að málin munu skýrast eftir leikinn gegn Chelsea. Annað hvort verður þá búið að selja félagið eða að þeir hafi þá skipt um skoðun," sagði Kinnear.

Kinnear var ráðinn til Newcastle í lok september og var samningur hans nýverið endurnýjaður til loka nóvember.