Fimm meistarar vörðu titla sína

Meistaraliðin í stærstu knattspyrnudeildum Evrópu voru iðin við að verja titla sína í deildarkeppnunum í vetur. Þannig vörðu fimm af meistaraliðum Evrópu titla sína í vor, sem er metjöfnun.

Sex knattspyrnudeildir í Evrópu bera höfuð og herðar yfir aðrar þegar kemur að stærð og styrk. Þetta eru sú enska, ítalska, spænska, franska, hollenska og þýska.

Aðeins Stuttgart mistókst að verja titil sinn frá því í fyrra nú í vor, en liðið hafnaði í sjötta sæti þýsku úrvalsdeildarinnar. Real Madrid, Inter, Man Utd, Lyon og PSV vörðu hinsvegar titla sína í vor.

Leiktíðina 2005-06 var svipað uppi á teningnum og reyndar vörðu öll sex meistaraliðn titla sína það árið - en Juventus er þar ekki tekið með enda var titill liðsins dæmdur af því eftir hneykslismálið ljóta á Ítalíu.

Í vor voru það Real Madrid, Inter, Man Utd, Lyon og PSV sem vörðu titla sína í stærstu deildunum sex, en ekki höfðu fleiri en fjögur lið varið titla sína á síðustu rúmum þremur áratugum ef frá er talin leiktíðin í ár og leiktíðin 2005-06.