Hiddink myndi hafna Chelsea

Umboðsmaður hollenska knattspyrnustjórans Guus Hiddink segir að hann myndi hafna Chelsea ef honum yrði boðin staða knattspyrnustjóra hjá félaginu.

Hiddink er sem stendur landsliðsþjálfari Rússland og gildir núverandi samningur fram yfir EM í sumar. Hann er hins vegar búinn að gera munnlegt samkomulag við rússneska knattspyrnusambandið um að stýra liðinu fram yfir HM 2010.

Hiddink hefur einnig sagður eiga náin samskipti við Roman Abramovich, eiganda Chelsea, en Abramovich er sagður hafa verið lykilmaður í því að Hiddink var ráðinn sem landsliðsþjálfari Rússa.

„Það er ekkert grunsamlegt við samninginn þó það sé ekki búið að skrifa undir hann, sagði Cees van Nieuwenhuizen, umboðsmaður Hiddink, í samtali við fréttastofu BBC."

Avram Grant var á laugardaginn sagt upp störfum sem knattspyrnustjóri Chelsea. Hiddink hefur helst verið orðaður við stöðuna sem og þeir Frank Rijkaard og Roberto Mancini, stjóri Inter.

Þá hefur Jose Mourinho einnig verið orðaður við stöðuna, sem og Mark Hughes, Luiz Felipe Scolari, Michael Laudrup og Slaven Bilic.