Innlent

Rúmlega 80% telja að afnema eigi verðtryggingu

Rúmlega áttatíu prósent landsmanna telja að afnema eigi verðtryggingu af lánum. Þetta kemur fram í nýrri könnun sem Capacent gerði fyrir Stöd 2.

Könnunin var gerð dagana 14. til 20. ágúst. Úrtakið var rúmlega ellefu hundruð manns á aldrinum 16 til 75 ára. Svarhlutfall var tæplega 66%.

Settar voru fram eftirfarandi fullyrðingar:

Ég tel að lán í íslenskum krónum eigi áfram að vera verðtryggð og

Ég tel að afnema eigi verðtryggingu lána í íslenskum krónum.

83% töldu að afnema ætti verðtryggingu lána en sautján prósent töldu að lán ættu áfram að vera verðtryggð.

Nær enginn munur var á afstöðu kynjanna. En marktækur munur var eftir aldri: 90,1% á aldrinum 35 til 44 ára telja að afnema eigi verðtryggingu og 87% á aldrinum 45 til 54 ára telja að afnema eigi verðtryggingu.

Í yngsta aldurshópnum 16 til 24 ára telja 73.8% af afnema eigi verðtryggingu og svipað hlutfall er í hópnum 55 til 75 ára.

Þá kemur einnig fram að andstaðan við verðtryggingu eykst með auknum fjölskyldutekjum.









Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.