Man Utd klagar Real Madrid til FIFA

Manchester United hefur kvartað formlega undan Real Madrid til Alþjóða knattspyrnusambandsins, FIFA.

Real hefur ítrekað sýnt áhuga sinn á Cristiano Ronaldo, leikmanni United, og þykir forráðamönnum United að félagið hafi gengið of langt.

„Þann 27. maí gerði United þá áætlun sína ljósa að ef Real myndi ekki hætta afskiptum af framtíðaráætlunum Ronaldo myndi félagið senda inn kvörtun," sagði í yfirlýsingu frá Manchester United.

Talsmaður FIFA hefur staðfest að hafa móttekið kvörtunina en vildi að öðru leyti ekki tjá sig um málið.

Mikið hefur verið rætt og ritað um framtíð Ronaldo hjá United Fregnir þess efnis að hann ætli sér að vera áfram eða þá vilji fara til Madrid hafa verið afar tíðar.