Mancienne í enska landsliðshópinn

Varnarmaðurinn Michael Mancienne frá Chelsea var í kvöld kallaður óvænt inn í enska landsliðshópinn fyrir æfingaleikinn gegn Þjóðverjum í næstu viku.

Hinn tvítugi Mancienne er lánsmaður hjá Wolves í B-deildinni og hefur átt fast sæti í U-21 árs liði Englendinga.

Gabriel Agbonlahor og Curtis Davies frá Aston Villa og Darren Bent frá Tottenham eru líka í hópi Fabio Capello fyrir Þýskalandsleikinn, en þeir Wayne Rooney og Rio Ferdinand hjá Manchester United eru ekki í hópnum vegna meiðsla.

David Beckham var ekki valinn í hópinn að þessu sinni og því verður ekkert úr því að hann jafni landsleikjamet Bobby Moore sem er 108 landsleikir fyrir England.

Hópur Englendinga sem mætir Þjóðverjum:

Markverðir: Carson, Hart, James.

Varnarmenn: Bridge, Johnson, Davies, Lescott, Terry, Mancienne, Upson, Richards.

Miðjumenn: Lampard, Gerrard, Wright-Phillips, A Young, Downing, Barry, Carrick, Walcott.

Framherjar: Agbonlahor, Bent, Defoe, Crouch.