Eiður kysi West Ham frekar en Newcastle

Bresku blöðin eru nú dugleg að orða Eið Smára Guðjohnsen við félög í ensku úrvalsdeildinni. Guardian vitnar þannig í útvarpsviðtal við Eið Smára þar sem hann mun hafa sagt að hann vildi frekar fara til West Ham en til Newcastle.

Þetta eru tvö af félögunum sem hafa verið orðuð hvað mest við íslenska landsliðsmanninn að undanförnu, en Eiður mun hafa meiri áhuga á að ganga í raðir West Ham vegna vina sem hann á í Lundúnum og vegna þess að West Ham er í eigu Íslendinga.